Қарағанды облысының Нұра ауданында орыс этносының өкілі қымыз баптайды. Алексей Ефремов бие байлап, күніне 40–50 литр өндіретін бұл ұлттық сусынды жерлестеріне ұсынып жүр. Бұл жерде тұрған биенің бәрі асау. Бірақ аттың құлағында ойнайтын Алексей ырқына көндіріп алыпты.
Сауын уақыты жақындағанда мұнда темірдей тәртіп орнайды. Қымыз өндіру кәсібін Ахмет ауылында алғаш бастаған Алексей Ефремов бастапқыда биені қолымен сауыпты. Ал бүгінде шаруашылық толық автоматтандырылған.
Ол қымыз баптауда қазақ дәстүріне жүгінеді. Күбіні тек қайыңның түтінімен ыстайды. Ал ысталған қазы қосу – бұл басты қағида, — дейді өзі.
Майра ӘУБӘКІРОВА, кәсіпкер:
Аида БЕКЕЖАНҚЫЗЫ, Ахмет ауылының тұрғыны:
Оның жайлауының шөбі шүйгін, суы мол, шыбын-шіркейі аз. Мал бордақылап, қымыз баптауға таптырмас жер. Болашақта бұл жерге қаз-қатар киіз үй тігіп, нағыз этноорталыққа айналдырғысы келеді.
Алексейдің ата-анасы 50 жыл бұрын Ресейден Ахмет ауылына көшіп келіпті. Ұзақ жыл ауыл шаруашылығы саласында қызмет еткен. Бала күнінен еңбекпен есейген кейіпкеріміз қазір зайыбы мен балаларын да шаруашылық ісіне ширатып жүр.
